Breaking News
** නව මැතිවරණ ක්‍රමය වෙනුවෙන් පැෆ්රල් සිය යෝජනා බාරදෙයි                      **මැතිවරණ කොමිසම හා පැෆ්රල් අතර තවත් සාකච්ඡාවක්                     **පැෆ්රල් හා ප්‍රජාතන්ත්‍රවාදී වාමාංශික පෙරමුණ අතර සාකච්ඡාවක්                     ** ඡන්ද විමසීම අවසන්                     ** අවධානම් කලාප වෙත ජංගම නිරීක්ෂණ රථ                      **සමාජ ජාල නිරීක්ෂණය මෙවරත්                      ** කොවිඩ් වංසගතයත් මැතිවරණ අපේක්ෂකයින් ප්‍රවර්ධනයට යොදාගෙන                     **கொரோனா தொற்று நோய் நிலையினை வேட்பாளர்கள் தமது நலனுக்குப் பயன்படுத்தியுள்ளனர்                     ** පැෆ්රල් නමින් නිකුත් කරන ව්‍යාජ නිවේදනවලට රැවටෙන්න එපා                      
Home › PAFFREL Community › News

මැතිවරණ ඉතිහාසයේ තවත් තීරණාත්මක නඩු තීන්දුවක්

14 September, 2021

ශ්‍රී ලංකා මැතිවරණ ඉතිහාසයට ඓතිහාසික පරිච්ඡේදයක් එක් කරමින් මොනරාගල මහාධිකරණ විනිසුරු රංග දිසානායක මහතා ඊයේ (13) දිනයේදී සුවිශේෂී නඩු තීන්දුවක් ලබාදුන්නේය.

ඒ පසුගිය පළාත් පාලන මැතිවරණයේදී මොනරාගල දිස්ත්‍රික්කයේ එක් පළාත් පාලන ආයතනයක අපේක්ෂකයෙකු මැතිවරණ කාලසීමාව තුළ ඡන්දදායකයන්ට විවිධ අල්ලස් ලබාදීම සම්බන්ධයෙන් පැෆ්රල් සංවිධානය මැතිවරණ ප්‍රචණ්ඩ ක්‍රියා නිරීක්ෂණ මධ්‍යස්ථානයේද සහාය ඇතිව මොනරාගල මදුරකැටිය කොට්ඨාශයට එක්සත් ජාතික පක්ෂය යටතේ තරඟවැදුණු ඩබ්.එම් සුනිල් ශාන්ත මහතා විසින් 2018 වසරේදී ගොනු කරනු ලැබූ නඩුකරයට අදාල තීන්දුව ඊයේ ප්‍රකාශයට පත්කරමිනි.

මෙම නඩුව පවරා තිබුණේ එම කොට්ඨාශයටම ශ්‍රී ලංකා පොදුජන පෙරමුණ යටතේ තරඟවැදුණු තරංග දිසානායක මහතා, මැතිවරණ කොමිෂන් සභාව හා එහි සාමාජිකයින්, මොණරාගල තේරීම්භාර නිලධාරී, මොනරාගල සහකාර මැතිවරණ කොමසාරිස් ඇතුලු අනූපස්දෙනෙකු වගඋත්තරකරුවන් කරවමිනි.

ඒ අනුව අල්ලස් ලබාදී ජයග්‍රහණය කල අපේක්ෂකයා පළාත් පාලන මන්ත්‍රී ධුරයෙන් ඉවත්කල අතර ඊළඟ වැඩිම ඡන්ද ලබාගත් අපේක්ෂකයා පත්කරන්නට නියෝග මහාධිකරණ විනිසුරුතුමා නියෝග කරන ලදී.

මෙම නඩුවේ ප්‍රධාන වගඋත්තරකරු වෙනුවෙන් ජනාධිපති නීතීඥ යූ.ආර් ද සිල්වා මහතා පෙනී සිටි අතර රජයේ නිලධාරීන් වෙනුවෙන් රජයේ අධිනීතීඥ කනිෂ්ක රාජකරුණා මහතා පෙනීසිටියේය. පෙත්සම්කරු වෙනුවෙන් නීතීඥ චානක කුලතුංග හා නීතීඥ සම්පත් පුෂ්පකුමාර යන මහත්වරුන් පෙනීසිටියහ.

 

fb

PEOPLE’S ACTION FOR FREE AND FAIR ELECTIONS (PAFFREL)
No.16, Byrde Place,Off Pamankada Rd,
Colombo 00600,
Tel: +94 11 2558570/71 Fax: +94 11 2558572 Email: paffrel@sltnet.lk

Copyright © 2013 Paffrel All Rights Reserved.           Solution by Tekgeeks