Breaking News
** නව මැතිවරණ ක්‍රමය වෙනුවෙන් පැෆ්රල් සිය යෝජනා බාරදෙයි                      **මැතිවරණ කොමිසම හා පැෆ්රල් අතර තවත් සාකච්ඡාවක්                     **පැෆ්රල් හා ප්‍රජාතන්ත්‍රවාදී වාමාංශික පෙරමුණ අතර සාකච්ඡාවක්                     ** ඡන්ද විමසීම අවසන්                     ** අවධානම් කලාප වෙත ජංගම නිරීක්ෂණ රථ                      **සමාජ ජාල නිරීක්ෂණය මෙවරත්                      ** කොවිඩ් වංසගතයත් මැතිවරණ අපේක්ෂකයින් ප්‍රවර්ධනයට යොදාගෙන                     **கொரோனா தொற்று நோய் நிலையினை வேட்பாளர்கள் தமது நலனுக்குப் பயன்படுத்தியுள்ளனர்                     ** පැෆ්රල් නමින් නිකුත් කරන ව්‍යාජ නිවේදනවලට රැවටෙන්න එපා                      
Home › PAFFREL Community › News

මැතිවරණ ක්‍රමය සම්බන්ධයෙන් පැෆ්රල් හා ජවිපෙ අතර සාකච්ඡාවක්

05 July, 2021

පැෆ්රල් සංවිධානය හා ජනතා විමුක්ති පෙරමුණ අතර සාකච්ඡාවක් අද (05) පෙරවරුවේ බත්තරමුල්ල පැලවත්තේ පිහිටි ජනතා විමුක්ති පෙරමුණු ප්‍රධාන කාර්යාලයේදී පැවැත්වින.

ශ්‍රී ලංකාවේ මැතිවරණ ක්‍රමය සංශෝධනයට අදාලව මෙහිදී කරුණු සාකච්ඡා කල අතර ජනතා විමුක්ති පෙරමුණ නියෝජනය කරමින් පා.ම විජිත හේරත් හා හිටපු පා.ම ජවිපෙ දේශපාලන මණ්ඩල සභික සුනිල් හඳුන්නෙත්ති යන මහත්වරුන් ඊට සහභාගී විය. පැෆ්රල් සංවිධානය නියෝජනය කරමින් විධායක අධ්‍යක්ෂ රෝහණ හෙට්ටිආරච්චි, අධ්‍යක්ෂ මණ්ඩල සාමාජිකයින් වන ආචාර්ය ජෙහාන් පෙරේරා, ක්‍රිස්ටෝබල් සවරිමුත්තු, කේ.එන් ඩීන් හා නීති සම්බන්ධීකාරක ඉසුරු කරවිට යන මහත්ම මහත්මීන් සහභාගි වූහ.
 
ශ්‍රී ලංකාවේ මැතිවරණ ක්‍රමය සංශෝධනය සඳහා වන පාර්ලිමේන්තු තේරීම් කාරක සභාවට පැෆ්රල් සංවිධානය සිය යෝජනා ලබාදීමට මත්තෙන් මේ වන විටත් දේශපාලන පක්ෂ, විවිධ ක්ෂේත්‍රවල විද්වතුන් හා පුරවැසි කණ්ඩායම් සමග සාකච්ඡා ආරම්භකොට ඇති අතර එම සාකච්ඡා මාලාවේ තවත් එක් සාකච්ඡාවක් වශයෙන් මෙම සාකච්ඡාව පැවැත්වින. 
 
සාකච්ඡාවෙන් පසුව මාධ්‍ය ඇමතූ විධායක අධ්‍යක්ෂ රෝහණ හෙට්ටිආරච්චි මහතා පෙන්වාදුන්නේ සියලු ජන කණ්ඩායම් වලට සාධාරණ නියෝජනයක් ලැබෙන ආකාරයෙන් මැතිවරණ ක්‍රමයක් සකස් විය යුතු බව සිය විශ්වාසය බවයි. එමෙන්ම එක් දේශපාලන කණ්ඩායමකට හෝ පක්ෂයකට බලය ලබා ගැනීමේ අරමුණෙන් තොරව රටේ අනාගත සුබසිද්ධිය සැලකිල්ලට ගනිමින් ප්‍රජාතන්ත්‍රවාදයේ මූලික රාමූන් ආරක්ෂා වන ආකාරයේ මැතිවරණ ක්‍රමයක් සකස් කරන ලෙසට පැෆ්රල් සංවිධානය බලධාරීන්ගෙන් ඉල්ලා සිටින බවටද හෙට්ටිආරච්චි මහතා අවධාරණය කර සිටියේය.
 

 

fb

PEOPLE’S ACTION FOR FREE AND FAIR ELECTIONS (PAFFREL)
No.16, Byrde Place,Off Pamankada Rd,
Colombo 00600,
Tel: +94 11 2558570/71 Fax: +94 11 2558572 Email: paffrel@sltnet.lk

Copyright © 2013 Paffrel All Rights Reserved.           Solution by Tekgeeks