Breaking News
** ද්විත්ව පුරවැසිභාවය හිමිව ඇත්තේ මන්ත්‍රීනි ගීතාට පමණයි                      ** ද්විත්ව පුරවැසිභාවය හිමිව ඇත්තේ මන්ත්‍රීනි ගීතාට පමණයි                      **අපේක්ෂක ප්‍රචාරක වියදම් සීමාකිරීමේ කෙටුම්පත විෂය බාර අමාත්‍යවරයාට                     **ජනතාවගේ ඡන්ද අයිතිය පැහැරගන්න එපා - පැෆ්රල් අවධාරණය කරයි                     **ඒකාබද්ධ විපක්ෂයේ නියෝජිතයින් හා පැෆ්රල් අතර සාකච්ඡාවක්                     **මැතිවරණය කල්දැමීමට විවිධා හේතුසාධක දක්වන්න එපා - විධායක අධ්‍යක්ෂ රෝහණ හෙට්ටිආරච්චි                      **පීඩාවට පත් දිස්ත්‍රික්කවල ඡන්දහිමි නාමලේඛන ප්‍රතිශෝධන කාලසීමාව දිගු කරයි                     **මන්ත්‍රීවරුන්ගේ පුරවැසිභාවය සෙවීමට පැෆ්රල් වෙතින් තොරතුරු දැනගැනීමේ අයදුම්පත්‍රයක්                      **මන්ත්‍රීවරුන්ගේ ද්විත්ව පුරවැසිභාවය පිළිබඳව සොයාබැලීමට පැෆ්රල් තීරණය කරයි                     **මාර්තු 12 ව්‍යාපාරයේ ජනතාව දැනුවත් කිරීමේ වැඩසටහනේ පූර්ව සංවිධාන කටයුතු සාර්ථකව                      ** සීමානිර්ණ ගැටලු නොමැති පළාත් පාලන ආයතන මසක් ඇතුළත ගැසට් කරනවා - පැෆ්රල් පෙත්සම හමුවේ අමාත්‍යාං                     **සීමානිර්ණ අභියාචන කමිටු වාර්තාව බාරදෙයි                     **PAFFREL writes to the Commissioner of Elections                     **සීමානිර්ණ කමිටුවේ වාර්තාව බාරගැනීම තවත් ප්‍රමාදවෙයි                     **ජනතාවගේ ප්‍රජාතන්ත්‍රවාදී අයිතියට ගරු කරන්න - පැෆ්රල් සංවිධානය කියයි                     **නව මැතිවරණ ක්‍රමයක් වෙනුවෙන් ගාල්ලෙන් අදහස් රැසක්                     ** නව මැතිවරණ ක්‍රමයකට අදාල අදහස් ලබාගැනීමේ සංවාදමාලාව සාර්ථකව ඉදිරියට                      **සීමානිර්ණ ගැටලු නොමැති පළාත් පාලන ආයතනවල මැතිවරණය පවත්වන්නැයි කොමිසමත් ඉල්ලයි                     **සීමා නීර්ණයේ ගැටලු රහිත පළාත් පාලන ආයතන ගැසට් කිරීමට කටයුතු කරන්න - පැෆ්රල් ඉල්ලයි                      
Home › PAFFREL Community › News

ජනතාවගේ ඡන්ද අයිතිය පැහැරගන්න එපා - පැෆ්රල් අවධාරණය කරයි

27 July, 2017

මැතිවරණ එකම දිනයක පැවැත්වීම අගය කරන බවත් එහෙත් ඒ හරහා මැතිවරණ කල් නොදැමිය යුතු බවත් පැෆ්රල් සංවිධානය පවසයි.


පැෆ්රල් විධායක අධ්‍යක්ෂ රෝහණ හෙට්ටිආරච්චි මහතාගේ අත්සනින් යුතුව නිවේදනයක් නිකුත් කරමින් පැෆ්රල් සංවිධානය පවසා ඇත්තේ විවිධ හේතු හුවාදක්වමින් මැතිවරණ පනත සංශෝධනය කිරීමට නුසුදුසු බවයි.


පැෆ්රල් සංවිධානය නිකුත් කල සම්පූර්ණ නිවේදනය පහත දැක්වේ.

සබරගමුව, උතුරුමැද, නැගෙනහිර පළාත් තුනෙහි නිල කාලය ඔක්තෝබර් මස පළමු දිනෙන් අවසන් වීමට නියමිත ය. ඒ අනුව ඔක්තෝබර් 2 වන දින නාමයෝජනා කැඳවීමට මැතිවරණ කොමිසම සූදානම් බවත් දෙසැම්බර් මස මුල් සතිය තුළ මැතිවරණ පැවැත්වෙනු ඇති බවට මාධ්‍ය වාර්තා පළවිය.

එහෙත් මේ වන විට පළාත් සභා ඡන්ද විමසීම කඩින්කඩ පැවැත්වීම හරහා මුදල් සම්පත් නාස්තියක් වන බව සහ එය ප‍්‍රජාතන්ත‍්‍රවාදයට බලපෑමක් වන බව හුවා දක්වමින් මැතිවරණ එකම දිනයක පැවැත්වීම සඳහා  මැතිවරණ පනත සංශෝධනය කිරීමට කැබිනට් මණ්ඩලය (2017.07.25.)තීරණය කර ඇති බව නිල වශයෙන් ප‍්‍රකාශයට පත්ව තිබේ.
 
මෙම කි‍්‍රයාවලිය තිත්ත බේත් සීනි තවරා ජනතාවට ගිල්ලවීමක් සේ අපි දකිමු. මැතිවරණ එකම දිනයක පැවැත්වීම අපද අගය කරමු. එහෙත් ඒ හරහා මැතිවරණ කල් නොදැමිය යුතුය. දැනටමත් පළාත් පාලන මැතිවරණ දිගින් දිගටම කල් දැමීම හරහා මැතිවරණ පැවැත්වීම සඳහා රජය ඇති නොකැමැත්ත ජනතාවට තහවුරු වී ඇත. නොඑසේ නම් විශ්වාසය පලූදු වී ඇත. 

මෙවැනි පසුබිමක් තුළ පළාත් සභා මැතිවරණ එකම දිනයක පවත්වන්නට රජය අවංක චේතනාවෙන් කටයුතු කළේ නම් කළයුතුව ඇත්තේ සියළු පළාත් සභා සමග සාකච්ඡා කර කඩිනමින් විසුරුවා නොහැරෙන පළාත් සභාවලද එකඟතාවය සහිතව එම පළාත් සභා විසුරුවා හැර මැතිවරණ පැවැත්වීමට කාල රාමුවක් තීරණය කිරීමයි. නොඑසේ නම් පළමුවෙන්ම නිල කාලය අවසන් වන පළාත් සභා මැතිවරණ දිනටම සෙසු පළාත් සභාවල මැතිවරණ පැවැත්වීමට කි‍්‍රයා කිරීමයි.  මෙය නීති සංශෝධනයකින් තොරව ද කළ හැකිය.

ඉදිරි පළාත් සභාවල නිලකාලය අවසන් වන්නේ අවස්ථා 4 ක් යටතේ ය.

2017 සැප්තැම්බර් / ඔක්තෝබර් 
සබරගමුව පළාත් සභාව (2017.09.26)  නැගෙනහිර පළාත් සභාව (2017.09.30)
උතුරු මැද පළාත් සභාව (2017.10.01) 

2018 ඔක්තෝබර්
මධ්‍යම පළාත් සභාව (2018.10.08) වයඹ පළාත් සභාව (2018.10.10)  උතුරු පළාත් සභාව (2018.10.24)

2019 අපේ‍්‍රල් 
දකුණු පළාත් සභාව (2019.04.10)  බස්නාහිර පළාත් සභාව (2019.04.21)

2019 ඔක්තෝබර්
ඌව පළාත් සභාව ( 2019.10.08)

ඒ අනුව රජය පළාත් සභා මැතිවරණ පවත්වන්නේ කුමන කාල රාමුවකදැයි රටට හෙලිකළ යුතුය. 
2017 සැප්තැම්බර් / ඔක්තෝබර් වලින් පසුද ?  2018 ඔක්තෝබර් වලින් පසුද ?
2019 අපේ‍්‍රල් වලින් පසුද ?  2019 ඔක්තෝබර් වලින් පසුද ? 

යම් හෙයකින් පළාත් සභා මැතිවරණ ක‍්‍රමය ද වෙනස් කිරීමට තීරණය කළහොත් මැතිවරණ දින නියමයකින් තොරව කල්යාමේ අවධානමක් පවති. එසේ වුවද ජනතාවගේ ඡුන්ද අයිතිය කල් දැමිය නොහැකි බව ශ්‍රේෂ්ඨාධිකරණ නඩු තීන්දු දෙකක් හරහා ද තහවුරු වී ඇති බව අවධාරණය කරනු කැමැත්තෙමු. 
ජනතාවට තම අභිමතය පරිදි පාලකයන් පත්කර ගැනීමට ඇති ප‍්‍රජාතන්ත‍්‍රවාදී අයිතියට අත නොතබන ලෙස රජයෙනුත්, සෙසු දේශපාලන පක්ෂ නායකයන්ගෙනුත් අප අවධාරණයෙන් යුතුව ඉල්ලා සිටිමු.

ස්තුතියි,

රෝහණ හෙටිටිආරච්චි
විධායක අධ්‍යක්ෂ
fb

PEOPLE’S ACTION FOR FREE AND FAIR ELECTIONS (PAFFREL)
12/3, Robert Terrace,Robert Gunawardana Mawatha,
Colombo 6, Sri Lanka.
Tel: 94 11 2514441/ 2 Fax: 94 11 2514443 Email: paffrel@sltnet.lk

Copyright © 2013 Paffrel All Rights Reserved.           Solution by Tekgeeks